الهدف

 

الهدف

ما معنى كلمة الهدف؟! .... في مفهومي هو شئ مقدس لدى كل انسان شئ يحلم به ... يريد الوصول اليه و هو في اعتقادي ان لكل انسان هدف حتى التقيت بنوع اخر من البشر.... كنت في مشوار وراجع أنا و واحد صاحبي كنا بنتكلم على الأهداف فتدخل واحد معانا و قال ان الهدف مهم لكل بني ادم و اتكلم كلام جميل جداً فسألته انت هدفك ايه؟! قالي والله أنا هدفي اني أجيب مجموع قولتله طيب كلنا عايزين كده .. هدفك ايه بعد كده؟! ..قالي اجيب مجموع كويس ايه المشكله!! ... قولت يعني هوا ده هدفك في الحياة؟ .. بصلي و قالي أكيد هو في أحسن من ان يبقى الواحد جايب مجموع كويس ... بصتلو كدا و سكت.. رجعت البيت و كالعاده بفكر في الي حصل ة الكلام ده .... عرفت ان كل الكلام الي اتقالي زمان كان كله كدب في كدب و ان مش احط هدف قدامي و أحققو هوا المطلوب في الحياة ... عارفين ليه؟! ... لأن كل انسان على حسب العيشه الي هوا عايشها والناس الي حواليه و البيئه الي متربي فيها هيا الي بتتحكم في تفكيره يعني لو ضربت مثال في عائله محافظه شرقيه سافروا الى بلاد غربية و بطبيعة الحياه هناك الانسان في العائله حيحس انو مختلف و ان الناس بتبصلو نظرة غريبة هوا مش فاهمها بالتالي حيغير من نفسه و من عاداته و تقاليده ...... نفس الفكرة في الأهداف يعني بالأصح مش انك توفر عمل وتكنولوجيا وتقدم عشان تعمل دوله محترمه .... وفر عقل .... وفر فكر .... المعادلة بسيطة

بلافكر = بلا هدف = بلا حياة = بلا تقدم ... فمهما الدوله تقدمت واشترت في تكنولوجيا عمرها ما حتفرق عما كانت قبل ذلك

المعتصم عبدالله هلال