بصيص أمل

بصيص أمل

كشاب يبدأ حياته و يؤسس لمستقبله نظرت نظرة عميقه على المجتمع لقيت ان نص الشباب قاعد على القهوة معايا و بيتفرجو على ماتش الأهلى معايا قولت معلش ده بردو الاهلي , عدى كام يوم نزلت تاني القهوة لقيتهم لسه قاعدين فكرت و سألت لقيتهم مهندسين و دكاترة سألت نفسي "هيكون مصيري ايه؟!" قولت العب لعبه, اللعبه دي كنت بلعبها تسع سنين قولت أكيد هو ده مستقبلي ... كملت .... لقيت أول حلم ليا اتحطم قولت بردو مش حيأس "لحد ما يأست" قولت البلد دي مش حينفع فيها غير المفكريين قولت اشتغل على مشروع يمكن اكسب منو دهب من أول الطريق لقيت ألف مطب قولت حعافر و حأنجح ..... "بس فشلت" جربت أعد مرات فشلي نمت و أنا بَعِد كام يوم عدو بعد اخر فشلي عشت في كابه مش رايد حاجه غير اني مامتش وانا ماساويش! ... في اخر يوم كنت على اخري مش طايق اعيش! .... قولت أنام و أرتاح ... نمت .... حلمت ... 

حلمت اني ناجح ..... حلمت اني بلعب لعبتي الأولى و نجحت وكسبت و ربحت ... والي في يوم هانوني جايين يهنوني ويسلموني الكاس و سلموني الشرف والاحتفال العين عليا 

ماتفارقنيش ايوا هوا  ده  الي نجح هوا ده الي وصل!! ..... خلص الاحتفال و روحت بيتي و الفرحه مش سايعاني ... انا سعيد سعاده عمري ما كنت أتمنى زيها .... لما رَوحت لقيت واحد بيتصل بيا بيقولي "المشروع ماشي تمام تؤمر بحاجه تانيه؟" صحيت على صوت بيقولي قوم روح شوف مدرستك قومت و فكرت و قولت "لو سبت نفسي كدا حتني طول عمري بحلم و أنام" و فكرت تفكير عميق و افتكرت اني كنت ناسي أهم حاجه ..... الحلم ده جالي لييييه؟ اشمعنا في الوقت ده .... ايوا انا عرفت انا كنت ناسي ايه! .... ربنا كأنه بيقولي يا عبدي ما تيأس انت ليك رب قوم و روح و قول يا رب ....... الفكرة كانت بسيطه جدًا لا هي اراده ولا عك مع ان الاراده تهد جبال .... لكن انا اتعلمت حاجه لا مدرسه ولا اب ولا ام ممكن يعرفها ومع انهم جربوها و لكن عمرهم ما حسوها

"طول ما أنت واقف في النص طول ما حتفضل فاشل"

 "يا تبدأ و تنهي يا تموت أحسنلك"

المعتصم عبدالله هلال